What would it take?

Wat sou dit vat
om die seer
uit jou oë te neem

wou dat jy
rustig slaap
en die drome
verban

jou verseker
dit sal als
oky wees

vir jou die
kalmte gee.

___________________________________________

 

Ek wil skreeu, vloek en moord pleeg. Maar dis seker nie altyd die uitweg nie. Mense wat mense kneus en vermorsel, en dit voel of jou hande afgekap is en jy kan niks doen nie.  My kop is seer vandag, was dit die min slaap of die baie huil?

 

Toe gister
agter ons lê
geen verwyte
oor alles nie

weet jy dan nie
wat jy doen aan
ons met jou leuens

jy ruk en pluk
aan ons wonde
skeur ons geluk
want jy dink mos
jy weet

jou aksies
so ongevraagd
maar ek verwyt nie
ek is klaar

dis jy wat
eendag sal moet
antwoord by die
altaar

hopelik sal
jy tot dan
rustig slaap
oor jou
dade en woorde

dit kon als
so anders
gewees het.

_________________________________________________

 

 

 

Advertisements