Gedigte en die naweek

As die winde huilend skreeu en die druppels op my stoep neerplons

as gister se onthou my hart oopruk en jou gesig op my foto geel verouderd in houtraam staan en beswyk

as jeugliefde jou soms stom verbaas agterlaat en voetspore ewig ingeets op die hart se mure

as ou spoke jou teister en jou dade van gister jou volg

as wat die hout eenvoudig geword het die vlamme van jou geheue spat vonke in jou binneste

jou woorde bloed vlekke agterlaat
jou nabyheid my dra
jou gesig gestorwe teen seerkry
jou aanslae na my skiet
jou eelt gewerkte hande my gesig
in die na nag streel
en my kelkende hande die
trane druppend van jou wang vasvang

Ek wens ek het woorde gehad om te beskryf hoe ek voel. Die afgelope tyd het baie dinge gebeur wat my kop laat sing, ek weet net nie meer watse kant toe nie, en dan is ek nog werkloos ook, maar het darem al n hele paar interviews op geline ensovoorts.  Verder was my naweek lekker, my liefie was by die huis het nie weer gewerk nie, so ons het baie gepraat en dinge saam gedoen, en vir ‘n wonder nie baklei nie. Ek het liefie uit geneem vir ete en ons het Saterdag aand gaan fliek, en gister dvd’s uitgeneem en net gerus.  Ek hoop julle naweek was lekker.

ek en liefie

Geniet die week