’n Klein kombersie

Ek is weer oor my ore toe in die werk, hardloop rond soos ‘n afkop hoendertjie.  Vat net hier en daar grond.  Ek wens dis al naweek.

Kat & muis

in drome
al soekend
na mekaar

die vuur
wat brand
hier binne

eendag in
‘n ander
leeftyd

mekaar vind
as jy ‘n kat is
en ek die muis

jy my sal
kry
en my

lewendig verslind

‘n Klein kombersie

Die lewe is soos ‘n kombers wat te klein is…
Trek jy jou skouers toe, is jou voete oop -
Trek jy jou voete toe, is jou skouers oop -

Gelukkig vir ons wat geleer het om ons knieë te buig…

Want met gebed is jy van kop tot tone toe…

En is daar nog plek vir almal vir wie jy omgee!!

“Moet jou nie verheug oor jou vyand se val nie, moenie juig wanneer hy ondergaan nie”(Spr 24:17).

Ek sal maar kyk om in etenstyd by die anderblogs uit te kom.  Geniet die dag