Archive for Junie 25, 2008
My hart is seer
As die slaap ontwyk en mens lê heelnag en dink, oor hoekom sulke dinge oor jou lewe moet kom. En jy raak ook moeg vir die lewe, maar jy weet jy mag nie jy kan nie, jy moet daar wees vir ander mense om hulle elke dag te verseker dat hulle al is hulle nie perfek nie, niemand is nie. Hoe gemaak as die lewe jou vandag so goed behandel, maar die verlede wil net nie los nie.
Dat een mens wat tog dan gesê het hulle het vir 23jaar niks gevoel nie, waarom moet daar dan tot die uiterste toe gegaan word om die een man wat kop en skouers bo almal uitsteek hom figuurlik telkemale met ‘n mes te steek. Ek verstaan nie, en dis nie net hom wat sy so seer maak nie, maar ander ook. Hopelik sal sy eendag as alles geeindig het lekker kan slaap na als wat sy ander deursit.
Ek wil nie meer die haat in my hart hê nie.
GEVOELENTE
Ek loop al met hierdie “gevoelente” in my hart en dalk is die gevoelente
‘n teken dat ek dit in my hart met jou moet deel.
Die Here slaan my so nou en dan met ‘n vyetak van genade oor die kop en dan
voel ek so “gebless” dat ek net wil spring en lag en dans – want HY is so goed
vir ons.
Iemand het vanoggend gesê dat die Here deur mense met mense praat. Dit voel
of die Here vandag vir my sê dat ek vir jou moet vertel dat HY vir jou ongelooflik
baie liefhet – en as jy vandag dalk bietjie “af” voel
moet jy onthou dat jy baie het om voor dankbaar te wees!
As jy vanaand jou voor die tv uitstrek of jy dalk vir jou ‘n lekker Peanut butter
broodjie smeer ‘n vleisie op die kole gooi of in die bed klim,
moet jy onthou dat selfs dit ‘n “blessing” is!!
Eintlik is ons almal met die vyetak van genade geslaan – ons besef dit net nie aldag nie.
Lekker dag…
Mag jy ‘n spesiale drukkie van Jesus ontvang vandag.